Presidenti i Real Madridit, Florentino Perez beson se skuadra e tij do të “jap shpirtin deri në sekondat e fundit” për të fituar finalen e muajit të ardhshëm në Ligë të Kampionëve.

Kampioni spanjoll do të përballet me Juventusin në Cardiff, ku ‘Los Blancos’ synojnë të bëhen skuadra e parë që siguron trofeun për të dytin vit radhazi në formatin aktual, transmeton portali arbresh.info.

“Ne kemi një finale më 3 qershor”, u tha fillimisht Perez gazetarëve. “Nuk do të jetë lehtë, por ne do të japim shpirtin deri në sekondën e fundit për të fituar”

Lexo edhe: Barcelona kërkon të hetohet ndeshja Malaga – Real Madrid (FOTO/VIDEO)

“Zizou është njëri nga simbolet e historisë sonë dhe e falënderoj atë për të gjitha që ka dhënë. Ai ishte lojtari më i mirë në botë dhe tani ai është thjeshtë trajneri më i mirë në botë”

“Kjo skuadër e ka shfaqur sërish vlerën e saj dhe ëndrra jonë është të rikthemi sërish aty dhe të festojmë më 4 qershor”

“E di që kjo skuadër ka shpirt për të siguruar titullin e 12-të në Ligë të Kampionëve. Ky është Reali, lojtarët e dinë këtë dhe Zidane e di gjithashtu”, përfundoi Perez./arbresh.info