MI5 thotë se është revoltuar nga sulmi vetëvrasës ‘i neveritshëm’

16:55 | 23 Maj 2017
Arbresh.info

Kreu i MI5 ka dënuar shpërthimin “e neveritshëm” në një koncert të Ariana Grande në Mançester që vrau 22 vetë.

Në një deklaratë të rrallë, Andrew Parker ka thënë se të gjithë në agjencinë e inteligjencës mendojnë që shpërthimi ishte revoltues dhe se janë prekur nga ky akt, transmeton portali arbresh.info.

Agjencia gjithashtu konfirmoi se po punonte për të ndihmuar policinë në hetimin e saj.

Ekspertët e sigurisë thanë se sulmuesi ishte një njeri i vetëm i cili shpërtheu një bombë në një dalje midis stadiumit dhe Stacionit Viktoria, ndërsa turmat po largoheshin.

Kryeministrja Theresa May tha se sulmuesi “zgjodhi me dashje kohën dhe vendin për të shkaktuar viktima sa më shumë dhe për të vrarë e plagosur pa dallim”./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm