Një djalë shurdhmemec shpërtheu në lot kur mësoi se e gjithë lagjja kishte mësuar gjuhën e shenjave vetëm për të komunikuar me të dhe për t’i dhënë mesazhin: ‘Një botë pa pengesa është ëndrra jonë’.

Muharremi, një djalosh nga Stambolli, Turqi, habitet kur teksa shëtit rrugëve të lagjes me motrën e tij, takon njerëz të njohur dhe të panjohur që e përshëndesin ose i drejtohen me gjuhën e shenjave. Ai shkon në një dyqan frutash dhe një djalë, me gjuhën e vetme me të cilën Muharrem mund të komunikojë, i thotë se dëshiron t’i dhurojë një mollë, më tej përplaset në rrugë me një vajzë e cila i kërkon falje gjithashtu me gjuhën e shenjave, më tej taksisti e përshëndet në të njëjtën mënyrë.

https://www.youtube.com/watch?v=fu2OhoYWmmE

Në fund të shëtitjes, djaloshi shurdhmemec gjendet para një reklame të madhe elektronike, ku një vajzë i komunikon atij mesazhin prekës: “Sepse një botë pa barriera është edhe ëndrra jonë”.

Pas këtij moment, rreth Muharremit mblidhen mjaft njerëz që e përqafojnë, duke bërë që djaloshi të përlotet nga emocioni.

Gjithçka është filmuar në një video, e cila më pas është hedhur në ‘You Tube’ duke marrë miliona shikime.