Google ADS

Mexhiti: Presim zhbllokimin në kohë sa më të shpejtë të pushtetit lokal

20:17 | 22 Maj 2017
Arbresh.info

Nënkryetari i Bashkimit Demokratik për Integrim, Izet Mexhiti në takimin e sotëm me ambasadorin e Republikës së Francës, Christian Thimonier shprehu përkushtimin e BDI-së për formimin e një qeverie reformuese që do të vazhdojë hapërimin e shpejtë në rrugën e integrimit në Bashkimin Evropian dhe NATO, përcjell Telegrafi Maqedoni.

Mexhiti e njoftoi kreun e diplomacisë franceze për opsionet e mundshme për përmbylljen e krizës si dhe stabilizimin politik të vendit, njofton AIM.

Në sferën e pushtetit lokal, nënkryetari Mexhiti e njoftoi ambasadorin francez me situatën e krijuar dhe pasojat juridiko-ekonomike duke shprehur nevojën sa më të shpejtë të zhbllokimit të pushtetit lokal dhe masat e ndërmarra në këtë drejtim.

Në shenjë falënderimin për angazhimin diplomatik në procesin e tejkalimit të krizës politike, Mexhiti i dhuroi Thimonier-it një pllakatë përkujtimore të Nënë Terezë si simbol i paqes dhe humanitetit njerëzor.

Shpërndaje në rrjete sociale

Lajmet më të lexuara

Të ngjashme

Foto lajm