PubMed, një shërbim i Qendrës Kombëtare të Informacionit Bioteknologjik, në Shtetet e Bashkuara të Amerikës, ka publikuar një studim mbi njohuritë, qëndrimet dhe praktikat publike në lidhje me përdorimin e antibiotikëve në Kosovë.
Këto rezultate ofrojnë të dhëna sasiore bazë mbi njohuritë, qëndrimet dhe praktikat kosovare në lidhje me përdorimin e antibiotikut. Këto gjetje kanë potencial për të fuqizuar fushatat edukative për të nxitur përdorimin e kujdesshëm të antibiotikëve në mjediset e komunitetit dhe të kujdesit shëndetësor.
Më shumë se gjysma e të anketuarve (58.7%) kanë përdorur antibiotikë gjatë vitit të kaluar. Një e katërta e të anketuarve konsumonin antibiotikë pa recetë mjekësore, shkruan arbresh.info.
“Punonjësit e kujdesit shëndetësor u identifikuan si burimi më i besueshëm i informacionit mbi përdorimin e antibiotikut (67.2%). Por, 11 për qind e tyre si burim të besueshëm i shohin gazetat dhe revistat,” thuhet në studim, duke qenë në top-tre burimet e informimit rreth antibiotikëve në Kosovë.
Arsyet më të zakonshme të përdorimit ishin grip (23.8%), pasuar nga dhimbje të fytit (20.2%), të ftohtë (13%) dhe të ftohtit të zakonshëm (7.6%). 42.5% e të anketuarve mendojnë se antibiotikët janë efektivë kundër infeksioneve virale. Pothuajse gjysma e të anketuarve (46.7%) kanë marrë informacion rreth përdorimit të panevojshëm të antibiotikëve dhe 32.5% e tyre raportojnë se kanë ndryshuar pikëpamjet dhe sjelljet e tyre pas marrjes së këtij informacioni.
Studimi është kryer me 811 banorë të zgjedhur në mënyrë të rastësishme në Kosovë. Metodologjia e përdorur për këtë studim u bazua në studimin e Eurobarometrit të Komisionit Evropian mbi rezistencën antimikrobiale.
Qëllimi i këtij studimi ishte vlerësimi i nivelit të njohurive, qëndrimeve dhe praktikave rreth përdorimit të antibiotikut në mesin e publikut të gjerë në Kosovë.
Rezistenca antimikrobike po bëhet një sfidë e madhe shëndetësore publike në mbarë botën, e shkaktuar kryesisht nga keqpërdorimi i antibiotikëve. Përdorimi i antibiotikut është i lidhur ngushtë me njohuritë, qëndrimet dhe sjelljen e një popullsie./arbresh.info/
Kryeministri britanik: Vaksina kundër obezitetit ndihmon eko...
Kapiteni i klubit “Bashkimi”, Altin Morina: Luftojmë për çdo...
Policia në rajonin e Mitrovicës së jugut po realizon fushatë...
Balluku: Së shpejti nis ndërtimi i stacioneve të hekurudhës ...
Këshilltari i Kurtit: Jo zbatim të pjesshëm të marrëveshjes,...
Sulmohet fizikisht një person para Gjykatës Themelore në Pej...