Laku me të cilin u var ish-presidenti i Irakut, Saddam Hussein në vitin 2006 ka dalë në shitje. Deri më tani çmimi i tij ka shkuar në 7 milionë dollarë. Interes për blerjen e lakut kanë shfaqur disa biznesmenë të pasur nga Kuvajti, Irani dhe Izraeli.
Copa e litarit është ruajtur nga Mowaffak al Rubaie , këshilltar i sigurisë kombëtare të Irakut në mes të viteve 2004 – 2009. Lajmi për shitjen e tij nuk është konfirmuar nga qeveria, por disa vende të Lindjes së Mesme kanë shfaqur interes të madh dhe janë vënë në gjueti të lakut.
‘Washington’ Post duke cituar gazetën lokale Al- Araby Al- Jadeed , shkruan se Rubaie deri më tani e hodhi poshtë ofertën e shtatë milionë dollarëve , në përpjekje për të shkuar më lart. Al Rubaie ka në shtëpi gjithashtu një bust të madh të diktatorit dhe e ka vënë lakun origjinal rreth qafës së Saddam Hussein-it.
Me 30 dhjetor 2006, Sadami u ekzekutua pas vendimit të Gjykatës Speciale të Irakut, e cila e akuzoi për krime kundër njerëzimit . Ekzekutimi i tij ka shkaktuar polemika rreth botës. Video e varjes së në litar, Saddam Hussein –it u transmetua nga mediat në mbarë botën.
Husseini sundoi Irakun për më shumë se dy dekada. Ishte kjo një periudhë që shënonte shtypje brutale, luftëra shkatërruese dhe sanksione ndërkombëtare, të cilat kanë varfëruar vendin e pasur me naftë. Hussein është akuzuar për krime kundër njerëzimit dhe për vrasjen e 148 banorëve në 1982.
Ish- president i Irakut sundoi nga korriku i vitit 1979 deri në mars të vitit 2003, kur u përmbys nga pushteti. Në dhjetor të 2003 është gjetur i fshehur në bodrumin e një ferme dhe u ekzekutua tre vjet më vonë.
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...