Vritet punonjësja gjermane në Kabul

16:45 | 21 Maj 2017
Arbresh.info

Një gjermane që punonte për një organizatë ndërkombëtare të bamirësisë është vrarë në Kabul, dhe një tjetër grua nga Finlanda është rrëmbyer.

Incidenti vjen pas disa sulmeve vdekjeprurëse të talibanëve ndaj postblloqeve të policisë, ku kanë mbetur rreth 20 oficerë të vdekur, transmeton portali arbresh.info.

Gruaja gjermane u vra nga sulmues të panjohur në kryeqytetin afgan, Kabul, konfirmoi Ministria e Jashtme gjermane, sipas agjencisë së lajmeve DPA.

Një grua tjetër, nga Finlanda thuhet se është rrëmbyer, njofton zëdhënësi i Ministrisë së Brendshme të Afganistanit, Najib Danish.

Të dyja gratë ishin në një bujtinë në Kabul dhe punonin për organizatën suedeze të ndihmave “Operation Mercy”.

Në sulmin në bujtinë, një roje private të sigurisë iu pre koka nga sulmuesit. Danezët nuk kanë treguar nëse ka pasur një motiv terrorist apo ndonjë arsye tjetër kriminale pas sulmit./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm