Allegri pas Kupës së Italisë: Tashmë e ka radhën titulli

09:58 | 18 Maj 2017
Arbresh.info

Massimiliano Allegri i ka falënderuar lojtarët e Juventusit pas triumfit të tretë radhazi në Coppa Italia.

Zonja e Vjetër e mposhti Lazion me rezultat 2-0 me golat e Dani Alves dhe Leonardo Bonuccit, të realizuar në pjesën e parë të ndeshjes së zhvilluar në Stadio Olimpico.

“Duhet t’i komplimentojmë djelmoshat për ndeshjen e shkëlqyer, një gjysmë e parë e jashtëzakonshme, ndërsa edhe Lazio meriton komplimente për të gjithë sezonin”, ka deklaruar Allegri për Rai Sport.

“Tash kemi një tjetër ndeshje të rëndësishme kundër Crotones që t’i japim fund garës për titull”, ka shtuar trajneri.

Bianconerëve u nevojitet vetëm një fitore në dy xhirot e mbetura që të shpallen kampionë të Italisë.

Nga ana tjetër, ata do të luajnë edhe në finale të Ligës së Kampionëve më 3 qershor në Cardiff kundër Real Madridit.

Shpërndaje në rrjete sociale

Lajmet më të lexuara

Të ngjashme

Foto lajm