Juventusi i është bashkuar garës për mesfushorin Andre Gomes që nuk pëlqehet nga Barcelona.

Sipas raporteve të ndryshme, Barcelona është e përgatitur për të shitur Gomesin, i cili iu bashkua klubit katalunas nga Valencia për 30 milionë funta verën e vitit të kaluar, transmeton portali arbresh.info.

23-vjeçari ka dështuar për të qenë pjesë e formacionit startues të trajnerit Luis Enrique dhe thuhet se do të jetë i hapur për largim nga ‘Nou Camp’. Mediat spanjolle kanë pretenduar dje që agjenti i Gomesit, Jorge Mendes, është duke punuar në sigurimin e një marrëveshje të re për futbollistin.

Lexo edhe: Arsenali sfidon Chelsean në garën sulmuesin e Real Madridit (FOTO)

Megjithatë, gazeta italiane ‘Corriere dello Sport’ pretendon se Juventusi ka kthyer vëmendjen e tyre te mesfushori, që kërkohet gjithashtu nga Real Madridi, pasi Massimiliano Allegri është duke kërkuar të përforcoj skuadrën e tij.

Bazuar në këtë raport, Allegrit i janë ofruar 126 milionë euro për të siguruar shërbimet e tre yjeve ndërkombëtar këtë verë.

Njëri nga ata besohet të jetë Gomes, i cili është në dispozicion për çmimin e duhur pas një sezoni të përzier te klubi i ri./arbresh.info