Punëtorët në depon nukleare në shtetin federal amerikan Uashington kanë mbyllur vrimën e krijuar me rastin e shembjes së tunelit nëntokësor, në të cilin ndodhen vagonët me mbetje radioaktive.
Lajmi është bërë i ditur nga ministri i Energjetikës Rik Peri, sipas të cilit autoritetet nuk kanë gjetur shenja të rrjedhjes së radioaktivitetit nga tuneli i shembur.Ai tha se problemi është zgjidhur shpejt dhe se hapi i ardhshëm është zbatimi i masave afatgjate, në mënyrë që në të ardhmen të zvogëlohen problemet.
Punëtorët nuk ishin në momentin e shembjes së tunelit, por disa prej tyre ishin evakuuar nga hapësira përreth nga frika e radioaktivitetit.
Autoritetet thanë se vrima prej 37 metra katrorë, të cilën e kanë mbushur me dhe, mund të ishte krijuar qysh fundjavën e kaluar, edhe pse ishte zbuluar vetëm ditën e martë. Shkaqet e shembjes së tunelit janë ende duke u hetuar. Centrali bërthamor Hanford, i krijuar gjatë Luftës së Dytë Botërore, me dekada ka krijuar plutonium për armë nukleare dhe tash punon në pastrimin e mbetjeve radioaktive.
Tuneli, i cili ishte shembur, është i gjatë 110 metra, ndërsa është ndërtuar në vitin 1956. godine. Gjendja e jashtëzakonshme në Hanford është hequr mbrëmë dhe 9 mijë punëtorëve u është thënë që sot të kthehen në punë.
Ministria e Mbrojtjes: Rreth 6500 vullnetarë rekrutohen në U...
Vengu: Regjimenti i Operacioneve Speciale, pjesë e stërvitje...
Kurti do të marrë pjesë në Forumin e Sigurisë së Varshavës
Ministrja Haxhiu inkurajon gratë të ndjekin rolet udhëheqëse
UEFA publikon formacionin e javës së parë të Champions Leagu...
Institutit i Krimeve të Luftës dhe ASK nënshkruan memorandum...