Qeveria e Kosovës mund të procedojë sot për ratifikim në Kuvendin e Kosovës Marrëveshjen që përcakton kufirin me Malin e Zi pas seancës për mocionin e opozitës për mosbesim ndaj qeverisë së Isa Mustafës.
Kështu ka thënë për arbresh.info, Bajram Gecaj, këshilltar i kryeministrit Mustafa, pas interesimit të arbresh.info nëse sot do të përcillet demarkacioni.
“Mund të ndodhë pas seancës së mocionit,” është shprehur Gecaj.
Strukturat më të larta të Partisë Demokratike të Kosovës janë takuar në mëngjesin e hershëm për të diskutuar rrethanat politike.
Strukturat e Lidhjes Demokratike të Kosovës janë takuar një ditë më parë edhe me ambasadorin amerikan, Greg Delawie, dhe shefen e BE në Kosovës, Nataliya Apostolova.
Në orët e mbrëmjet Kryetari i Kuvendit të Kosovës, Kadri Veseli ka zhvilluar një bisedë telefonike me zëvendës ndihmës sekretarin amerikan të shtetit, Hoyt Brian Yee, me të cilin kanë diskutuar për zhvillimet e fundit politike në Republikën e Kosovës.
Duket se nuk do të ndodhë ajo që është dakorduar me të se “ka diskutuar me diplomatin amerikan Hoyt Yee edhe për kërkesën e qartë të Shteteve të Bashkuara të Amerikës që Qeveria dhe Kuvendi të procedojnë me demarkacionin nesër (e mërkure) para mocionit të mosbesimit të qeverisë.”
Paralajmërimi i Veselit ishte se në rast të mos procedimit të demarkacionit para mocionit ndaj qeverisë, duhet të lëvizet përpara në rrugëzgjidhje tjera./arbresh.info/
Gjesti ‘kapet’ me Gresën, e akuzon për shpifje: Mu të shkret...
Vullneti-Rezit: Ta kam gjetur topin që të ka humbur që një j...
Policia kontrollon hotelin pas vdekjes së Liam Payne, kërkoh...
Rusia aprovon traktatin me Korenë e Veriut për ndihmë ushtar...
Humb jetën një 57-vjeçar në Fier, dyshohet se pësoi arrest k...
Udhëheqësi i Zyrës për Rikthim të Aseteve vizitoi Prokurorin...