Nëse mocioni dështon sot, ja kur mund të rikthehet në Kuvend

09:25 | 10 Maj 2017
Arbresh.info

Një mocion mosbesimi për Qeverinë Mustafa pritet të votohet në seancën e sotme të Kuvendit të Kosovës.

Mocioni me 42 nënshkrime i inicuar nga Nisma për Kosovën ishte dërguar në Kryesinë e Kuvendit gjatë javës së shkuar.

Sipas Rregullores së Kuvendit të Kosovës, mocioni i mosbesimit vihet në rendin e ditës, jo me vonë se pesë (5) ditë dhe jo më herët se dy (2) ditë nga dita e parashtrimit të tij, njofton Klan Kosova.

Nëse mocioni i mosbesimit merr 61 vota dhe votohet për Qeverinë në tërësi, Qeveria konsiderohet në dorëheqje.

Por çka nëse ky mocion mosbesimi nuk votohet, dhe inicuesit e këtij mocioni duan ta sjellin një të tillë sërish?

Atëherë nëse mocioni i mosbesimit dështon, një mocion tjetër i mosbesimit mund të parashtrohet vetëm pas nëntëdhjetë (90) ditëve të ardhshme.

Seanca e Kuvendit të Kosovës ku në rend dite është mocioni i mosbesimit pritet të nisë në orën 10:00.

Shpërndaje në rrjete sociale

Lajmet më të lexuara

Të ngjashme

Foto lajm