Google ADS

Kosova dhe Mali i Zi diskutojnë për bashkëpunimin në shëndetësi

12:47 | 5 Maj 2017
Arbresh.info

Zëvendësministri i Shëndetësisë, Izet Sadiku priti të premten në takim një delegacion të Ministrisë së Shëndetësisë të Malit të Zi të udhëhequr nga Milovan Vujoviq – sekretar shteti në MSh, në të cilin u bisedua për bashkëpunimin në shëndetësi midis dy shteteve.

Sadiku ka këmbyer me mysafirët nga MSH e Malit të Zi informacione rreth sistemit shëndetësor në Kosovë dhe Mal të Zi, organizimin e tij, shërbimet që ofrohen, si dhe fushat konkrete të bashkëpunimit të mundshëm në të ardhmen përfshirë shërbimet shëndetësore deficitare, ato të fushës së rehabilitimit, të sëmundjeve ngjitëse, etj.

Në takim, është propozuar hartimi i një draft marrëveshjeje të bashkëpunimit në shëndetësi, e cila pas specifikimit të fushave konkrete të bashkëpunimit në të ardhmen midis dy shteteve në shëndetësi, do të nënshkruhej nga ministritë përkatëse të dy shteteve.

Shpërndaje në rrjete sociale

Lajmet më të lexuara

Të ngjashme

Foto lajm