Çështja e sigurisë ushqimore është një ndër temat më të diskutuara sot për sot në industrinë e ushqimeve.

Në qoftë se në shoqëritë e zhvilluara evropiane dhe atë amerikane, niveli i sigurisë dhe kontrollit është më i lartë, në shoqëri si kjo e jona apo dhe në vendet fqinje ballkanike, ka gjithmonë pikëpyetje rreth kësaj tematike.

Por pavarësisht kësaj, është gjithmonë mirë që konsumatori të jetë i informuar rreth konservimit të ushqimit dhe skadencës së tyre.

Shiko më poshtë cilat janë ushqimet që nuk duhet konsumuar kurrë pas datës së skadencës:

1.Vezët: Siç dihet tanimë vezët janë ndër ushqimet më të shëndetshme që ekzistojnë në treg, pasi përmbajnë shumë vlera ushqyese dhe janë një bombë kalorish e proteinash. Por mos e çoni në mend të hani vezë që u ka kaluar data e skadimit, as mos e çoni ndër mend pasi mund t’ju shkaktojnë simptoma nga më të ndryshmet, që nga dhimbje të barkut, gazra dhe diarre deri tek helmimi. Kujdes dhe me produktet që kanë përmbajtje veze si majoneza, salcat e ndryshme etj.
2.Mishi i përpunuar: Sa herë që blini mish të përpunuar në supermarket ku bëjnë pjesë mishi i grirë, salçiçet, sallamërat etj, bëni kujdes me datën e skadencës. Edhe pse presupozohet që ky mish të jetë përpunuar në bazë të rregullave të sigurisë dhe higjienës, ai krijon bazë për shuminin dhe infektimin nga bakteret si E.Coli dhe Listeria. Bakteri Listeria është veçanërisht i rrezikshëm pasi helmimi që shkakton mund të jetë fatal në raste ekstreme.
3.Djathi i butë: Ndryshe nga djathërat e fortë si p.sh djathi kaçkavall që stazhonohet dhe mund të ruhet edhe pas datës së skadencës, vetë përbërja e djathit të butë e bën më të ndjeshëm ndaj baketerve siç Listeria Monocytogenes. Prandaj duhet konsumuara brenda afatit të skadencës.
4.Karkalecat: Karkalecat janë ndër produktet e detit më të ushqyeshme dhe të shijshme, kjo është edhe aryseja pse duhen ngrënë gjithmonë të freskëta dhe në kohë. Karkalecat nuk shformohen pas skadencës apo të zënë myk, por shumojnë vetiu baktere dhe mikrobe të tjera.
5.Mishi i pulës: Ashtu si vezët, edhe mishi i pulës, përbën një nga rreziqet më të mëdhenj për helmim ushqimor, në qoftë se nuk është trajtuar, ruajtuar apo gatuar si duhet. Kur ju duhet të gatuani një pulë që ka qenë e ngrirë, sigurohuni të ketë shkrirë 100 % , përndryshe duke qenë e ngrirë në disa vende nuk mund të arrijë një temperaturë të brendshme të sigurt. Si pasojë nuk do të gatuhet siç duhet dhe bakteret do të ngelin brenda saj.