Në Komisionin Parlamentar për Arsim, Shkencë, Kulturë, Rini dhe Sport, së fundi po diskutohet për ndryshim të statuteve të universiteteve publike, pasi ka pretendime se disa janë anti-ligjore, për më tepër edhe anti-kushtetuese.

Sipas anëtarëve të këtij komisioni rektorët janë dakorduar që së bashku me komisionin hartues të sjellin propozime e më pas këto propozime të shqyrtohen dhe në fund të merret vendim për ndryshimin-plotësimin e statuteve të universiteteve publike.

Anëtari i Komisionit për Arsim, Shkencë, Kulturë, Rini dhe Sport, Bekim Haxhiu, në një prononcim për arbresh.info ka thënë se të gjithë rektorët janë të pajtimit që të fillojnë procedurën për plotësim-ndryshimin e statuteve të UP-së.

“Pas takimit që ka pas komisioni për arsim me gjithë rektorët, është kërkesë dhe dakordim me gjithë rektorët që të fillojmë procedurën për plotësimin e statuteve dhe ndryshimin e tyre.

Kemi pas komisionin e hartimit javën e kaluar dhe gjithë rektorët e gjitha universiteteve publike kanë mbetur që të diskutojnë me organet e veta dhe pastaj të fillojmë me plotësimin dhe ndryshimin e statuteve”, ka thënë ai.

Arsyeja e plotësim-ndryshimit të statuteve sipas tij është se disa prej tyre nuk janë në harmoni me ligjet e caktuara dhe disa janë në kundërshtim me Kushtetutën.
“Disa prej statuteve nuk janë në harmoni me ligin e arsimit, ligjin e punës, ligjin e procedurës administrative dhe disa janë në kundërshtim edhe me kushtetutën sipas vendimeve të gjykatave”, ka treguar ai.

Ai ka shtuar se ndryshimi i këtyre statuteve do të jetë në shërbim të studentëve e më së shumti shkencës.

“Është vendimi komisionit të arsimit dhe i rektorëve që të fillojnë këtë proces të plotësimit-ndryshimit të statuteve që ato të jenë në shërbim të studentëve, profesorëve, shkencës dhe procedimin e disa akteve të caktuara që të mos krijohet mundësia e interpretimeve të ndryshme në statute”, përfundon Haxhiu.

Anëtari tjetër i këtij komisioni nga radhët e Lëvizjes Vetëvendosje, Ismajl Kurteshi ka thënë për arbresh.info se iniciativa për ndryshime statutore që të zgjidhen disa probleme është e përkohshme, por që sipas tij janë pajtuar me rektorët për këtë.

“Kemi kërkuar prej rektorëve që secili të vijë me propozime të ndryshme edhe të merren vesh për pikat e përbashkëta pastaj të takohen me komisionin edhe njëherë dhe ne ti dëgjojmë propozimet e tyre të përbashkëta,kumë pas ne si komision profesional ta themi fjalën tonë”, ka theksuar ai.

Por, për Kurteshin kërkesa për zbutjen e kritereve sidomos për avancime është e papranueshme.
“Nëse universitetet publike kanë probleme me kuadro ata duhet të shqyrtojnë ekzistencën e tyre por jo tash të zbuten kriteret dhe të futet secili e të marr titull të pamerituar.

Ne jemi që së pari titujt të meritohen pastaj të merren por edhe për çështje të tjera që kanë të bëjnë me cilësinë e arsimit nuk jemi për të lëshuar pe, mirëpo nëse ka diçkaqëështëvërtetëformaledheështësipengeseburokratikejemiqët’ualehtësojmëfunksioniminuniversitetevepublike”, shtoiai.

Ndër të tjera Kurteshi tha se nëse Universitetet e shohin si arsye zbutjen e kritereve, pasi që nuk po ka kuadro i bie që si pas tij institucionet shtetërore kanë themeluar universitete pa u pjekur kushtet.

Së fundi janë paraqitur 18 nene për ndryshim-plotësimin e statutit të Universitetit “Ukshin Hoti” në Prizren, që kanë të bëjnë me ndryshimi i përfaqësimit në senat dhe në këshill drejtues dhe standardizim të kritereve të këtij universiteti lidhur me avancimin e stafit. /Arbresh.info/R.Rexhepi