LSDM: Jemi të vendosur të krijojmë institucione funksionale, do të formohet edhe qeveria e re reformuese

10:05 | 29 Prill 2017
Arbresh.info

LSDM-ja përmes një kumtese për Telegrafi Maqedoni thekson se janë të vendosur për të formuar institucione funksionale dhe se së shpejti do të formohet qeveria e re reformuese. Nga LSDM thonë se kanë bërë hapin e parë drejt realizimit të vullnetit të 700 mijë qytetarëve.

“Shumica parlamentare në pajtim me Kushtetutën, ligjet dhe Rregulloren, në procedurë legale dhe legjitime, në mënyrë të qetë, para gjithë opinionit të Maqedonisë dhe botëror, zgjodhi kryetarin e ri të Kuvendit. Zgjedhja u përshëndet nga partnarët tanë strategjik SHBA-të, BE dhe gjithë opinioni demokratik. Tani Trajko Veljanoski duhet ta dorëzojë funksionin dhe të vazhdojnë procedurat demokratike me dhënien e mandatit për formimin e qeverisë së re”, thuhet në kumtesën e LSDM-së.

Nga kjo parti thonë se dhuna e ngritur nga Gruevski, Ivanovi, Veljanoski dhe Çavkov nuk duhet të përsëritet dhe se për atë që ndodhi do të ketë përgjegjësi.

Shpërndaje në rrjete sociale

Lajmet më të lexuara

Të ngjashme

Foto lajm