Ministri i Zhvillimit Ekonomik, Memli Krasniqi duke folur sot në konferencën e donatorëve për sektorin e bujqësisë ka thënë se MBPZHR po planifikon ndryshimin e aplikimit për grante e subvencione për bujqit.
Krasniqi duke folur rreth zhvillimeve që kanë ndodhur në sektorin e bujqësisë në vitet e pas pavarësisë ka thënë se pavarësisht se është prioritet, buxheti për bujqësinë është ende i vogël, shkruan arbresh.info.
“MBPZHR është e përkushtuar për jetësimin e mirëfilltë të konceptit të zhvillimit të bujqësisë. Është prioritet i lartë përmirësimi i menaxhimit të burimeve natyrore siç është toka punuese, pyjet. Buxheti i tanishëm nuk është i mjaftueshëm për një zhvillim të qëndrueshëm të sektorit. Për këtë vit buxheti është 57.6 milionë euro. Objektivat tona kryesore do të konsistojnë në rritjen e kapaciteteve prodhuese bujqësore, rritjen e produktivitetit dhe rritjen e vendeve të punës”, ka thënë Krasniqi.
Ai ka shtuar se po synohet rritja e buxhetit për grante dhe subvencione.
Krasniqi po ashtu ka bërë të ditur se në mënyrë që të rritet transparenca po planifikohet që të ndryshohet mënyra e aplikimit për grante dhe subvencione.
“Planifikojmë që të ndryshojmë mënyrën e aplikimit për grante dhe subvencione nga sistemi i tashëm manual në sistem online për të rritur transparencën”. Ka thënë Krasniqi./Arbresh.info.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite