Në sulmin ajror të ndërmarrë ndaj spitalit që ndodhet në fshatin Abidin në pjesën periferike jugore të qytetit Idlib në Siri zonë e cila ndodhet nën kontrollin e opozitarëve humbën jetën 4 civilë ndërsa spitali ka dalë jashtë përdorimit.
Ministri i Shëndetësisë i qeverisë së përkohshme në Siri Ferras Xhundi në një deklaratë për gazetarin e AA-së tha se “Ndaj spitalit që ndodhet në fshatin Abidin në pjesën periferike jugore të qytetit Idlib në orët e pasdites është kryer një sulm ajror nga avionët luftarakë. Si pasojë e sulmit spitali ka dalë plotësisht jashtë përdorimit”.
Ai tha se jetën e kanë humbur 4 civilë të cilët trajtoheshin në spital ndërsa shumë pacientë tjerë dhe punonjës të spitalit janë plagosur.
Ndër të tjera Xhundi ka vënë në dukje se të plagosurit janë dërguar nëpër spitalet e improvizuara të tendave.
Gjithashtu edhe ekipet e Mbrojtjes Civile në një deklaratë në median sociale në lidhje me sulmin kanë bërë të ditur se në sulm janë plagosur edhe ekipet punonjëse të shëndetësisë në spital.
Ancelotti tregon haptas se a do të bëjë Real Madridi ndonjë ...
“Trepça” dërgon padi ndaj një ish-punëtori, thot...
Vrasja e kreut të Hamasit, reagon Hezbollahu: Do ta përshkal...
Ursula von der Leyen javën tjetër në Kosovë
Mucunski-Drexel: Maqedonia e Veriut është e përkushtuar në p...
Superliga e basketbollit rikthehet me dy superduele