Gjatë vizitës së përfaqësuesve të Lëvizjes Vetëvendosje në Austri, sot zhvilluan një takim me deputetët e Parlamentit austriak, anëtarë të Grupit Parlamentar të Miqësisë Kosovë-Austri.
Në këtë takim, nga Vetëvendosje morën pjesë deputetët Albin Kurti dhe Salih Salihu, Sekretari për Marrëdhënie me Jashtë, Boiken Abazi, bashkë me aktivistët e Lëvizjes Vetëvendosje në Vjenë Serafina Bytyqi dhe Bekim Morina.
Ndërsa të pranishëm në këtë takim nga deputetët austriakë ishin deputeti Peko Baxant, nga Partia Social-demokrate, deputeti Lukas Mandl, nga Partia Popullore dhe deputetja Terese Reiter, nga partia NEOS.
Siç njofron Vetëvendosje, në këtë takim deputetët austriakë u interesuan mbi gjendjen ekonomike dhe politike në Kosovë, si dhe për alternativën e Lëvizjes Vetëvendosje për të dalë nga kjo gjendje. Ata gjithashtu shprehën interesin e madh të shtetit austriak për ta ndihmuar Kosovën në rrugën e zhvillimit të saj ekonomik dhe në proceset e integrimit.
Përfaqësuesit e Lëvizjes Vetëvendosje prezantuan pikat kryesore të programit politik dhe të alternativës qeverisëse të Lëvizjes, duke theksuar nevojën për ndryshimin e kursit ekonomiko-politik të vendit, si dhe rolin e mërgatës shqiptare në Austri si një urë që përforcon bashkëpunimin mes dy vendeve. Vizita e përfaqësuesve të Lëvizjes Vetëvendosje në Austri do të vazhdojë me tubime me bashkatdhetarët ne Vjenë, Graz dhe Linz.
Vendosen postera provokues për Policinë e Kosovës dhe Vetëve...
Nënshkruhen dy marrëveshje të grantit për energji efiçiente ...
Përfaqësuesi i Policisë së Kosovës merr pjesë në garat evrop...
Shqipëri/ Dhuna para Kuvendit, nën hetim 7 deputetë demokrat...
Rreziku nga përmbytjet në Shkodër, mblidhet Komisioni i Mbro...
Suhareka do bëhet me stadium të ri, komuna ndanë 13 hektarë ...