Eliminohet Barça, Juve në gjysmëfinale

22:35 | 19 Prill 2017
Arbresh Info

Barcelona është eliminuar nga “Zonja e Vjetër” në UEFA Ligë të Kampionëve.

Gjiganti katalunas dështoi në përpjekjet për të realizuar një tjetër rikthim tronditës në këtë kompeticion, shkruan portali arbresh.info. “Blaugranët” janë mposhtur me rezultat të përgjithshëm 3 me 0 nga Juventusi.

Skuadrës së Massimiliano Allegrit, e cila ishte solide edhe në takimin e dytë në ‘Camp Nou’, i mjaftuan golat e shënuara në Torino për të siguruar kualifikimin në gjysmëfinale të Ligës së Kampionëve.

Spanjollët tentuan vazhdimisht për të thyer mbrojtjen e “Zonjës së Vjetër” përmes treshes së tyre në front, por mbrojtja e skuadrës mysafire dhe Gianluigi Buffon mbeten të patundur.

Ndryshe, kjo është fitorja e gjashtë radhazi në UEFA Ligë të Kampionëve për liderin në Serie A./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm