Sekretari amerikan i Mbrojtjes, Jim Mattis takoi të mërkurën në Riad drejtuesit sauditë për të forcuar aleancën ndërmjet dy shteteve përballë Iranit dhe aktiviteteve destabilizuese në Lindjen e Mesme.
Mbreti Salmane i Arabisë Saudite priti kreun e Pentagonit në pallatin e tij të Al Yamama në Riad, në praninë e princit trashëgimtar, Mohammed ben Nayef dhe ministrit saudit të Punëve të Jashtme, Adel al-Jubeir.
Takimi u përqendrua në marrëdhëniet e miqësisë strategjike mes dy vendeve, veçanërisht në fushën e mbrojtjes, si dhe në konjukturën rajonale dhe ndërkombëtare.
Mattis do të takohet edhe me zëvendës princin trashëgimtar, Mohammed ben Salmane, tashmë pritur nga presidenti amerikan, Donald Trump një muaj më parë në Uashington.
Drejtuesit sauditë shqetësohen të shohin Iranin të ndërhyjë në vendet arabe duke përdorur komunitetet shiite për të çuar përpara dogmat e tij, si në Bahrein apo Liban./Arbresh.info/
Ushqimet e duhura për të shmangur ftohjen
Alexander-Arnold i përgjigjet raportimeve se po synon blerje...
Votimi për presidencialet e nëntorit/ SHBA, hapen zyrtarisht...
Taulant Xhaka paralajmëron rikthimin e vëllaut të tij tek Ba...
Moti i ligë në Tetovë – Shtëpi dhe oborre të përmbytura
OKB: Armëpushimi në Gaza, prioritet absolut dhe urgjent