Google ADS

NISMA ka siguruar 37 nënshkrime për procedimin e mocionit në Kuvend

13:53 | 18 Prill 2017
M. A.

Nisma për Kosovën, deri më tani ka arritur t’i sigurojë 37 nënshkrime për ta çuar në Kuvend mocionin për rrëzimin e qeverisë së Isa Mustafës, shkruan arbresh.info

Këtë e ka bërë të ditur deputeti i NISMA-s, Haxhi Shala në një prononcim për portalin Arbresh.info, i cili ka thënë se ju duhen vetëm edhe tri vota për ta proceduar mocionin.

“Grupi ynë parlamentar vazhdon diskutimet me deputetët e pozitës tash sepse opozita veç e ka përfunduar. Na nevojiten vetëm edhe 3 vota, 37 vetëm i kemi siguruar edhe tri vota presim nesër sepse një pjesë e deputetëve sot kanë munguar për shkak të udhëtimeve, por shumë shpejt do ti kemi edhe ato tri vota për të proceduar në Kuvendin e Kosovës”, ka thënë Shala.

Ai shprehet i bindur se gjatë kësaj jave do dërgohet në kryesi mocioni.

Mocioni kundër Qeverisë është iniciativë e kryetarit të Nisma për Kosovën, Fatmir Limaj, dhe javën e kaluar e ka kompletuar tekstin në koordinim me partitë e tjera opozitare./Arbresh.info/Mira Avdimetaj

Shpërndaje në rrjete sociale

Lajmet më të lexuara

Të ngjashme

Foto lajm