Ushtria e NATO-s mbledh qindra trupa në Letoni

09:25 | 18 Prill 2017
Arbresh.info

Më shumë se 1,200 trupa nga 12 shtete, përfshirë SHBA-të dhe Suedinë janë duke marrë pjesë në stërvitjet e ushtrisë së NATO-s, të quajtur “Mburoja e Verës”, transmeton portali arbresh.info.

Ushtrimet, që filluan si trajnime për forcat e koalicionit që kanë pushtuar Irakun, tani janë duke shërbyer për të penguar Rusinë.

Ushtarë nga Letonia, SHBA, Bullgaria, Estonia, Kanada, Lituania, Britania, Rumania, Sllovakia Gjermania dhe Suedia që nuk është anëtare e NATO-s janë duke marrë pjesë në ushtrimet që janë mbajtur në këtë vend që nga viti 2004.

Ushtarët do të praktikojnë një varg elementesh të luftës, përfshirë artilerinë, mbrojtjen ajrore, njohjen, mbrojtjen kundër armëve të shkatërrimit në masë dhe kapacitete anti-tank, raporton agjencia e lajmeve LETA duke cituar Ministrinë letoneze të Mbrojtjes.

Mburoja e Verë, një nga stërvitjet më të mëdha ushtarake në vend, është e hapur për çdo anëtar të bllokut ushtarak për të marrë pjesë./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm