Befason Conte: Ky është ekipi më i mirë në Premier Ligë

21:02 | 17 Prill 2017
Arbresh.info

Trajneri i Chelseat ka dhënë një deklaratë befasuese pas humbjes nga Manchester United.

Chelsea ka qenë skuadra dominuese e këtij stinori në Premier Ligë, duke e kryesuar tabelën pothuajse gjatë tërë edicionit.

As kjo ecuri fantastike, nuk është mjaftueshme për trajnerin Antonio Conte, i cili pas disfatës 0:2 nga United, ka thënë se ndjekësi kryesor i ‘Bluve’ në garën për titull, Tottenham Hotspur është skuadra më e fortë në Premier Ligë.

“Mendoj se Tottenhami është skuadra më mirë aktualisht. Ata po kalojnë në një formë tepër të mirë dhe entuziazmi për të fituar sa shkon e rritet. Ata duan të shkruajnë historinë”, ka thënë Conte.

“Ne duhet që të jemi më të mirë nëse duam të përfundojmë të parët, përndryshe nuk e meritojmë titullin”, ka përfunduar italiani.

Kur kanë mbetur edhe gjashtë javë deri në përfundim të stinorit në Premier Ligë, Chelsea ka katër pikë më shumë se Tottenhami./Arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm