Sindikata e Bashkuara e Arsimit, Shkencës dhe Kulturës “kërcënon” MASHT-in se do fillohet me veprime Sindikale nëse ata nuk e nënshkruajnë kontratën e re kolektive për arsim.
Kështu ka deklaruar për Indeksonline kryetari i SBASHK-ut, Rrahman Jashari i cili megjithatë është optimist se nesër MASHT do nënshkruaj kontratën që këta po e kërkojnë.
Kontratës kolektive i ka skaduar afati me 11 prill të këtij viti, ndërsa tani, SBASHK-u kërkon që të nënshkruhet kontrata e re, e cila parashihet të përfshijë gjithë arsimin e Kosovës.
“Kontrata e re e cila sipas të gjitha gjasave do të nënshkruhet nesër në mes të SBASHK-ut dhe MASHT-it, e veçanta e kësaj kontrate është se tani kjo kontratë do të jetë e tërë arsimit në Kosovë. Kontrata deri tani ishte e arsimit para universitar dhe rregullonte çështjet kryekëput nga Arsimi Parauniversitar ku përfshiheni shkollat fillore dhe të mesme, kurse tani uroj që nga nesër të kemi kontratën e cila rregullon dhe tregon edhe të drejtat dhe obligimet të të gjithë të punësuarve të arsimit në Kosovë, pra duke filluar nga çerdhet e deri tek universitetet”, ka thënë Jashari.
Në qoftë se kjo kontratë nuk do nënshkruhet siç është premtuar nga MASHT, Jashari paralajmëron grevë në arsim.
“Kemi mbajt mbledhjen e këshillit drejtues, dhe ai ka autorizuar kryesinë dhe mua dhe në qoftë se çështja e kontratave nuk shkon tutje atëherë SBASHK-ut nuk i mbetet gjë tjetër përveç të nisë me veprimet sindikale, duke përfshirë këtu grevat e arsimit”, ka shtuar Jashari.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite