Një nga shkrimtarët më të njohur të Shqipërisë, Ismail Kadare, ka thënë se ai dëshiron të shohë dosjen e tij në policinë sekrete për të gjetur se kush e ka spiunuar atë gjatë epokës komuniste.

Ismail Kadare tha në një letër të hapur të shpërndarë për mediat të mërkurën se ai kërkoi dy javë më parë që dosjet e mbajtura ndaj tij nga ana e Sigurimit – policisë sekrete të epokës komuniste të Shqipërisë të jenë të hapura kështu që ai të mund të zbulojë se kush e spiunoi atë.

“Unë ju informoj se kam kërkuar hapjen e dosjes sime dy javë më parë, pa vënë ndonjë kusht apo kufizim [në të]” tha ai në letër.

Autoriteti për Informacion për Dosjet Sekrete të Policisë ish-Komuniste, i cili është themeluar në fillim të janarit, do të merret me kërkesën.

Për herë të parë që nga rënia e komunizmit, trupi i ri ua bën të mundur njerëzve që të dinë se çfarë informacioni kishte ish-policia sekrete në dosjet për ta dhe për të gjetur emrat e njerëzve që kishin spiunuar për ta.

Në letrën e tij, Kadare tha se ai ishte një nga shqiptarët e parë që ka bërë thirrje publikisht për hapjen e dosjeve disa vjet më parë.

“Për fat të keq, kërkesa ime nuk u dëgjua dhe kjo ka shkaktuar tension të dukshëm. Sot, më shumë se një çerek shekulli më vonë, ky tension vazhdon, për arsye që janë lehtë për t’u kuptuar” shkroi ai.

Ai tha se “rënia e tiranisë komuniste” kishte bërë çdo përpjekje për të mbajtur të vërtetën për letërsinë në Shqipëri të fshehtë derisa ishte në pushtet.

“Të zbulohet e vërteta për diktaturën komuniste është e nevojshme sot, edhe pse kjo ka qenë e vonuar”, përfundoi ai në letrën e tij.

Gjatë komunizmit, shumë shkrimtarë në Shqipëri u persekutuan dhe disa janë vrarë për shkak të shkrimit të tyre.

Kadare u largua nga Shqipëria në vitin 1990, gati një vit para se sistemi të rrëzohej, duke pretenduar azil politik në Francë, derisa lëshonte deklarata në favor të demokratizimit.

Ai konsiderohet si një prej shkrimtarëve më të mëdhenj që Shqipëria ka pasur ndonjëherë, ndërsa ka fituar shumë çmime ndërkombëtare, duke përfshirë Çmimin “Man Booker” në vitin 2005 dhe “Princin e Asturias në vitin 2009.

Pothuajse çdo vit Kadare është përmendur nga media në të gjithë botën si një marrës i mundshëm i Çmimit Nobel për Letërsi.