Ushtruesi i detyrës së kryetarit të komunës së Skenderajt Fadil Nura, ka njoftuar se kjo komunë shumë shpejtë do të ndërtoj shtatoren e heroit kombëtar anti-komunist Shaban Polluzha.

Përmes rrjetit social Facebook, Nura ka thënë se kjo është një kundërpërgjigje ndaj komunave, që po u ndërtojnë shtatore atyre që sipas tij i kishin duart me gjakun “e pastër të Shabanit” .

Kjo shtatore sipas tij, do të zënë vend në qendër të Skenderajt në hapësirën e parkut që bartë të njëjtin emër, pasi thotë se Drenica “mbetet e varfër për derisa në gjirin e vetë i mungon biri i saj”.

“Kjo jo për t`i bërë karshillëk apo oponencë Komunave që i ngrehin shtatore, pikërisht atyre që i kishin duart e gjakosura me gjakun e pastër të Shabanit, Mehmetit e shumë e shumë bashkëluftetarëvë tjerë të Drenices e mbarë Kosovës”, shkruan Nura.

E gjithë kjo vie pasi Komuna e Gjakovës ditë me parë ka shpallur konkursin e projektit për vendosjen e shtatores së ish komunistit Fadil Hoxha, në qender të qytetit/arbresh.info