Google ADS

I dhanë nga 2500 euro për viza, por u mashtruan

10:19 | 13 Prill 2017
Arbresh.info

Dy persona nga Vushtrria kanë bërë të ditur se janë mashtruar nga tre persona për sigurimin e vizave dhe kontratave të punës në Gjermani, raporton Albinfo.ch.

Dy qytetarët ishin takuar me tre persona të tjerë dhe në bazë të marrëveshjes ata do të duhej të jepnin nga 2500 euro për vizë. Megjithatë, kur kanë shkuar në Ambasadën gjermane në Prishtinë kanë kuptuar se ishin mashtruar.

“Viktimat pagesën fillestare kanë bërë 400 euro dhe në muajin janar kanë dhënë edhe nga 1000 euro dhe më pas personat e dyshuar u kanë dhënë kopjet e kontratave të punës. Viktimat me datën 23.03.2017 janë paraqitur në ambasadën gjermane dhe nga punëtori i ambasadës janë njoftuar se kontratat e punës nuk janë të vlefshme”, thuhet në raportin e Policisë.

Policia ka filluar të hetojë këtë rast, derisa nuk raportohet për të arrestuar deri më tani.

Shpërndaje në rrjete sociale

Lajmet më të lexuara

Të ngjashme

Foto lajm