Në një mision për të mbrojtur vendet anëtare të NATO-s nga provokimet e mundshme të Rusisë, e cila vitin e kaluar aneksoi Krimenë, dhe nxiti konfliktin në dy rajone të tjera të këtij vendi fqinj, qindra automjete ushtarake amerikane kanë zbarkuar në vendet baltike dhe do të qëndrojnë në Europë.
Dërgesa e tankeve në tre vendet e ish Bashkimit Sovjetik, në Estoni, Lituani dhe Letoni, përkon me vendosjen e një divizioni të këmbësorisë amerikane dhe të stërvitjeve ushtarake të NATO-s në Detin e Zi.
Dërgesa e makinerisë ushtarake në vendet fqinje me Rusinë, si dhe stërvitjet e NATO-s në Detin e Zi, janë mesazh për Moskën për të mos provokuar vendet anëtare të Aleancës Veri-Atlantike.
Nga ana tjetër, Rusia ka njoftuar se e ka pezulluar pjesëmarrjen në Grupin e Përbashkët Konsultativ në Traktatin për Konventën e Forcave të Armatosura në Evropë, duke filluar prej 11 marsit. Po ashtu, Rusia njoftoi se është tërhequr edhe nga pakti i kontrollit të armëve evropiane.
Ministri i Jashtëm rus, Sergei Lavrov, akuzoi Brukselin se është duke u përpjekur për të shtyrë afatet për një marrëveshje politike për dy rajonet (proruse) të Ukrainës lindore dhe ka thënë se byrokratët e Bashkimit Evropian qëllimisht janë duke e përshkallëzuar konfrontimin me Rusinë.
Lavrov veçoi Presidentin e Këshillit Evropian, Donald Tusk, duke e akuzuar atë si nxitës të tensioneve, pasi ish-kryeministri polak, një ditë më parë, i kërkoi falje presidentit amerikan, Barak Obama për vonesat e Bashkimit Evropian për të vepruar shpejtë kundër Rusisë, ashtu si shtetet e Bashkuara.
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...