Google ADS

Shqipëria e mposht Greqinë dhe kualifikohet tutje

16:05 | 11 Prill 2017
Arbresh.info

Kombëtarja e Shqipërisë në konkurrencën e femrave në futboll ka arritur një fitore të madhe në minutën shtesë të ndeshjes kundër Greqisë.

Vashat shqiptare ishin me një lojtare më shumë në fushë pasi Gkatsou u përjashtua me të kuq në minutën e 49-të pas një ndërhyrje në zonën e rrezikshme, me gjyqtaren që akordoi penalltive në favor të “kuqezinjeve”.

Nga rrethi i bardhë dështoi Fortuna Velaj, por e njejta përmirësoi gabimin në minutën e 90-të pasi shënoi për epilogun final takimit, Shqipëri 2:1 Greqi.

Vendeset fillimisht kishin kaluar në epërsi përmes Docit në minutën e 16-të, por greket barazuan përmes Natit vetëm dy minuta më vonë, dhe goli në minutën e fundit ishte padyshim fantastik për vashat shqiptare që siguruan fitoren e dytë në kuadër të eleminatoreve për Kampionatin Botëror.

Shqipëria me këtë fitore kualifikohet tutje.

Shpërndaje në rrjete sociale

Lajmet më të lexuara

Të ngjashme

Foto lajm