Deputetja nga radhët e NISMA-së, Valdete Bajrami në një prononcim për Arbresh.info ka folur për takimin që kishte me partitë opozitare LVV dhe AAK lidhur me mocionin e rrëzimit të Qeverisë e nisur nga kjo parti.
“Kjo duhet të jetë një iniciativë e përbashkët opozitare dhe duke parë sot gjendjen në Kuvend ku asnjë ministër nuk ishte në seancë për atë arsye është iniciuar kjo. Ne jemi pajtuar që të përcjellim draftin e mocionit andaj presim që gjatë ta harmonizojmë si parti opozitare. Besojmë që sonte do të përfundohet më pas ta përcjellim edhe tek partitë tjera me vërejtjet e tyre”, ka thënë ajo.
Sipas Bajramit ka edhe deputetë nga koalicioni qeverisës që e mbështesin, ndonëse disa nuk janë deklaruar.
“Kemi informata që deputetët e koalicionit e mbështesin edhe pse ka që ende nuk janë deklaruar. Por është një numër i madh që e mbështesin. Andaj unë besoj që edhe ata që kanë votuar kundër këtij kabineti qeveritar do të duhej të ishin pjesë e kësaj iniciative”, ka thënë ajo./Arbresh.info
Nënshkruhen dy marrëveshje të grantit për energji efiçiente ...
Përfaqësuesi i Policisë së Kosovës merr pjesë në garat evrop...
Shqipëri/ Dhuna para Kuvendit, nën hetim 7 deputetë demokrat...
Rreziku nga përmbytjet në Shkodër, mblidhet Komisioni i Mbro...
Suhareka do bëhet me stadium të ri, komuna ndanë 13 hektarë ...
10 vjet nga Procesi i Berlinit, diskutohen arritjet, mundësi...