Presidenti Donald Trump po vazhdon riorganizimin e stafit të tij për sigurinë kombëtare.
Ndihmësit e presidentit konfirmuan sot se zëvendës këshilltarja e sigurisë kombëtare K.T. McFarland, e cila ka punuar për tre administrata republikane të mëparshme, pritet të bëhet ambasadorja e ardhshëm amerikane në Singapor.
65-vjeçarja McFarland u bashkua me stafin e Shtëpisë së Bardhë si ndihmëse e ish-Këshilltarit të Sigurisë Kombëtare, Gjeneralit Michael Flynn. Presidenti Trump e shkarkoi zotin Flynn pas 24 ditësh në detyrë, pasi doli se ai kishte gënjyer për kontaktet e tij me ambasadorin rus në Washington.
Gjenerali H.R. McMaster, i cili zëvendësoi Michael Flynn, po riorganizon stafin në Këshillin e Sigurisë Kombëtare që shërben si grup këshillues për presidentin e SHBA. Javën e kaluar, shefi i presidentit për strategjinë, Steve Bannon, të cilin presidenti e kishte përfshirë në Këshillin e Sigurisë Kombëtare duke zgjuar kritika të forta në qarqet e politikës së jashtme në Washington, u largua nga ky këshill.
Shkrumbohet një banesë në Lushnje
Agjenti konfirmon rikthimin e Mario Balotellit në Serie A
Britania dhe Kina japin shenja pajtimi gjatë vizitës së krye...
Femra vendosni: Këto janë karakteristikat kryesore të mashku...
Ushqimet për një fytyrë pa rrudha
Kurti në Paris, fton kompanitë franceze që të investojnë në ...