Google ADS

BE-ja nuk mbështet zgjedhje të reja në Maqedoni

15:43 | 8 Prill 2017
Arbresh.info

Në intervistën për programin “360 gradë” në Alsat-M, eurodeputeti, Ivo Vajgëll ka thënë se Maqedonisë nuk i nevojiten zgjedhje të reja por një qeveri e re reformuese, ky është mendimi i BE-së dhe NATO-s, askush nuk mendon me ndryshe.

“Unë deri tani nuk kam dëgjuar ndonjërin në Parlamentin Evropian i cili mendon se duhet të organizoni zgjedhje të reja. Sipas kësaj, qëndrimi i Parlamentit Evropian, qëndrimi i Komisionit, qëndrimi që e bëri publik z. Tusk gjatë vizitës së tij në Shkup.Ato janë qëndrimet nga gjitha anët, si edhe nga NATO-ja dhe liderët e vendeve partnere; se duhet të respektohen rezultatet e zgjedhjeve dhe se duhet të shkohet në rrugën e proceseve normale demokratike.

Kjo do të thotë se ai që ka shumicë parlamentare duhet të marrë mandat për qeverinë dhe këtu nuk ka ndonjë opsion tjetër” – deklaroi eurodeputeti Ivo Vajgëll.

Shpërndaje në rrjete sociale

Lajmet më të lexuara

Të ngjashme

Foto lajm