Google ADS

Konflikt me armë zjarri, 3 të plagosur në Elbasan

17:51 | 7 Prill 2017
Arbresh.info

Një konflikt me armë zjarri është verifikuar këtë të premte në një lokal në fshatin Bradashesh të Elbasanit, ku si pasojë disa persona kanë mbetur të plagosur.

Autoritetet policore njoftojnë se nga konflikti 3 persona kanë marrë plagë në trup, 2 prej të cilëve me armë zjarri dhe njëri me sende të forta.

Ata janë identifikuar me inicialet K.Gj, A.Gj dhe H.C dhe janë dërguar në spitalin rajonal të Elbasanit për të marrë ndihmën e duhur. Mësohet se të tre ata janë jashtë rrezikut për jetën.

Nga hetimet e para dyshohet që konflikti të ketë lindur mes shtetasve H.C dhe A.Gj, i cili bashë me familjarin e tij rezulton rezident në Angli.

Autoritetet njoftojnë se po kryejnë hetime për zbardhjen e rrethanave të ngjarjes, të cilat aktualisht janë fokusuar tek mbledhja e dëshmive dhe provave materiale.

Shpërndaje në rrjete sociale

Lajmet më të lexuara

Të ngjashme

Foto lajm