Erdogan kërkon mbështetjen e kurdëve, e quan vetën ‘kujdestar i paqes’

21:02 | 1 Prill 2017
Trina Galanxhi

Presidenti i Turqisë, Recep Tayip Erdogan, e ka përshkruar vetën si ‘mbrojtës i paqes’.

Ai këtë koment e ka bërë gjatë një tubimi në juglindje të Turqisë dhe u ka bërë thirrje kurdëve që të votojnë pro referendumit, transmeton portali arbresh.info.

Që nga rënia e armëpushimit dy-vjeçar në korrik 2015, vendi ka qenë i tronditur nga luftimet intensive mes militantëve kurdë dhe forcave turke të sigurisë.

Sipas një vlerësimi të Kombeve të Bashkuara, rreth 2,000 persona u vranë dhe deri në një milion janë zhvendosur gjatë këtij konflikti.

“Mbështetësit e PKK-së vazhdojnë të thotë ‘paqe, paqe, paqe’. A sjellin paqe fjalët boshe? A mund të ketë paqe me ata që ecin me armë në duar?”, ka thnënë Erdogan.

“Ne jemi kujdestarët e paqes, ne jemi kujdestarët e lirisë”, shtoi ai para një turme në të cilin merrnin pjesë mijëra persona dhe që tundnin flamurin e Turqisë./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm