Edhe Liverpooli pas sulmuesit Luis Muriel

08:47 | 31 Mars 2017
Arbresh Info

Liverpooli është klubi i fundit që ka shfaqur interesim në sulmuesin e Sampdorias, Luis Muriel, pas Interit, Romas, Atletico Madridit dhe Sevillas.

Bazuar në raportet nga mediat italiane, Jurgen Klopp ka kërkuar informata rreth statusit të reprezentuesit kolumbian, transmeton portali arbresh.info. Ai mbush 26 vite muajin e ardhshëm dhe në kontratën e tij me Sampdorian ka një klauzolë të lëshimit me vlerë rreth 28 milionë euro.

Muriel këtë sezon ka shënuar 12 gola dhe ka krijuar nëntë asistime gjatë 31 ndeshjeve.

Interi është duke u konsideruar favorit për të siguruar transferimin e tij, por Roma, Atletico Madridi dhe Sevilla kanë shfaqur gjithashtu interesim.

Ai u rikthye nga detyra e tij me skuadrën kombëtare me një lëndim në kofshë të këmbës dhe prandaj do të mungoj në ndeshjen e së hënës kundër Interit./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm