Zëdhënësi i Misionit të OSBE-së në Kosovë, Senad Shaboviq, deklaroi të mërkurën se ende nuk kanë përfunduar konsultimet rreth mbajtjes së zgjedhjeve për president të Serbisë në territorin e Kosovës, të caktuara për datën 2 prill.
“Sapo të kemi sqaruar të gjitha detajet do të njoftojmë publikun”, ka thënë Shaboviq për agjencinë e lajmeve Beta.
Ndryshe, në mbledhjen e Komisionit Zgjedhor Republikan të Serbisë, të mbajtur kah mesi i marsit, është miratuar vendimi që në Kosovë gjatë zgjedhjeve presidenciale serbe të votohet në 90 vendvotime.
Vendimi për numrin e vendvotimeve është marrë në bazë të njoftimit të ashtuquajturës Zyrë për Kosovë dhe në bazë të rregullave bazë që në një vendvotim më së paku të mund të votojnë 100 votues, ndërsa më së shumti 2.500.
Kreu i Komisionit Zgjedhor Republikan, Vladimir Dimitrijeviq, ka thënë se vendimi për vendvotimet në Kosovë do të jetë në fuqi edhe më tej nëse vlerësimi i sigurisë lejon që zgjedhjet të mbahen./Arbresh.info/
Mbyllen ndeshjet e xhiros së parë: Kjo është gjendja tabelar...
Gjermania shton masat e sigurisë për festivalin e birrës dhe...
Kurti: Anëtarësimi i Kosovës në BE objektiv i qartë, koha që...
Shqipëri/ Dorëhiqet gjyqtarja e Gjykatës Kushtetuese, Elsa T...
Njihuni me shkaktarët e zakonshëm që ju bëjnë të shtoni pesh...
Hansi Flick debuton me humbje në Ligën e Kampionëve, Barça m...