Ministri i Infrastrukturës, Lutfi Zharku dhe nënkryetari i Komunës së Zveçanit, Florim Kelmendi të mërkurën nënshkruan memorandumin e mirëkuptimit me qëllim të financimit të projektit infrastrukturor për asfaltimin e rrugës Boletin- Rahovë e Madhe, në vlerë 750 mijë eurosh, ndërsa Komuna e Zveçanit do të ndajë 100 mijë euro mjete shtesë për këtë projekt.
Me anë të këtij memorandumi, Ministria e Infrastrukturës dhe Komuna e Zveçanit obligohen të sigurojnë mjetet financiare për realizimin e këtij projekti.
Komuna e Zveçanit obligohet të sigurojë kushtet e nevojshme për realizimin e projektit për operatorët ekonomikë, të kryejë procedurat e tenderimit të këtij projekti, të caktojë komisionin e vlerësimit, projekt-menaxherin, si dhe komisionin për inspektimin final të punimeve, në të cilin do të marrë pjesë një anëtar i MI-së.
Komuna obligohet që të sigurojë kushtet e nevojshme, që projekti të realizohet pa pengesa brenda afatit të caktuar, në përputhje me ndarjet buxhetore dhe me kualitet të lartë.
Po ashtu, Komuna është e obliguar të njoftojë MI-në për rrjedhat e realizimit të projektit, të kryejë çdo lloj shpronësimi të nevojshëm për zbatimin e këtyre projekteve, përfshirë procedurat e kompensimit në bashkëpunim me Ministrinë e Ambientit dhe Planifikimit Hapësinor dhe Ministrinë e Financave, dhe të hartojë projektin për çdo investim infrastrukturor, i cili kryhet sipas këtij memorandumi.
Pacolli: Një politikan nga Kosova i paska thënë një kryedipl...
Propozimi për anëtarësimin në Këshillin e Sigurimit të OKB-s...
Vullin: Sa të jetë Vuçiqi president dhe unë në qeveri, Kosov...
Kurti takoi Ndihmës Sekretarin e Shtetit, James O’Brie...
Presidentja Osmani takoi Presidentin e Malawit: Kosova është...
Policia shpall në kërkim një të dyshuar për rrëmbim