Asselborn: Bisedimet me Prishtinën janë sfidë, por shpresojmë për marrëveshje

13:57 | 29 Mars 2017
Arbresh.info

Shefi i diplomacisë së Luksemburgut, Jean Asselborn, tha të mërkurën se është i vetëdijshëm me faktin se për Beogradin bisedimet me Prishtinën paraqesin sfidë dhe se shpreson se në bisedime do të arrihet deri te rezultatet pozitive, në dobi për të dyja palët, njofton shërbimi për informacione i Kuvendit të Serbisë.

Asselborn në Kuvendin e Serbisë ka folur me nënkryetarin e Kuvendit, Verolub Arsiq, i cili pas takimit me delegacionin nga Luksemburgu vlerësoi se sfida më e madhe në bisedimet Beograd-Prishtinë nuk është në komunikim, por në implementimin e marrëveshjeve në praktikë.

“Serbia ka përmbushur pothuajse të gjitha masat nga marrëveshjet e Brukselit, por këtë nuk e ka bërë edhe administrata prishtinase”, tha Arsiq dhe shtoi se Serbia nuk do të pranojë kurrë pavarësinë e Kosovës, por është e gatshme që përmes bisedimeve të arrihet stabiliteti i rajonit.

Shpërndaje në rrjete sociale

Lajmet më të lexuara

Të ngjashme

Foto lajm