Një grua me aftësi të kufizuara është rrahur me shkop bejsbolli nga dy persona, të cilët kërcënonin djalin e saj, pasi iu kishte para borxh nga pazaret e drogës.

Barbara Dransfield ka pësuar dëmtime në kafkë dhe në gjithë fytyrën. Mësohet se ajo është goditur disa herë më shkop bejsbolli deri sa ka rënë pa ndjenja.

Kjo ngjarje ka ndodhur, pasi djali i saj u kishte 100 paund borxh disa personave.

30-vjeçari kishte marrë disa mesazhe kërcënuese në telefonin e tij, “Përgjigjuni telefonit, jeni ngatërruar me personin e gabuar, prandaj ktheni paratë pas”.

Edhe pas këtyre mesazheve, 30 vjeçari nuk i ka kthyer pas paratë e drogës dhe ata kanë menduar të hakmerren me nënën e tij duke e dhunuar, shkruan tvklan.al.

Dransfield, e cila përdor një karrocë me rrota, ka dëgjuar një zhurmë në orët e para të mëngjesit, por nuk ka mundur dot të çohet në kohë. Ata kanë shkuar në dhomën e saj dhe kanë nisur ta gjuajnë.

Sipas përshkrimit që ajo i bëri banditëve tregon se ata ishin veshur me rroba të zeza dhe me maska, njëri prej tyre kishte një thikë dhe tjetri një shkop bejsbolli. Pasi dhunuan 64-vjeçaren ata plaçkitën dhe shtëpinë e saj në Manchester.