Kinezi Li Ching Yuen ka vdekur në moshën 256-vjeçare. Kjo nuk është një legjendë, as përrallë! Jeta e tij është bërë lajm dekada më parë edhe në revistën “Time” apo gazetën “The New York Times”, sipas të cilave, ai ka qenë 210 cm i gjatë dhe ka jetuar deri në vitin 1933.
Kinezi, ka rrëfyer se sekreti i jetëgjatësisë është tek “Qeni, pëllumbi dhe breshka.” Profesori i Universitetit Chengdu, Wu Chung-chieh, shkruante në “The New York Times” në vitin 1930 se perandoria kineze e kishte uruar Li Ching-Yuen për 150-vjetorin e lindjes në vitin 1827. Këtë ai e kishte zbuluar në arkiva. I njëjti person ishte uruar për ditëlindjen e tij të 200-të në vitin 1877.
Gazetari i “The New York Times” thoshte se në vitin 1928, Li rrinte me komshinjtë e tij të moshuar, të cilët thoshin se ai ishte shok i gjyshërve të tyre. Li Ching-Yuen, i cili ishte “shkencëtar” bimor dhe praktikues i sporteve marciale, në regjistrat e perandorisë kineze rezultonte i regjistruar në vitin 1677. Ai kishte lindur në fshatin Szechuan të Chyi Jiang Hsie, në Kinë.
Media po ashtu raportonte se ai vetë pretendonte të kishte lindur në vitin 1736. E nëse kjo ishte e vërteta, ai vdiq në moshën 197-vjeçare, përsëri si njeriu më i moshuar në botë dhe shumë larg jetëgjatësisë të ditëve të sotme. Li Ching-Yuen kishte kaluar pjesën më të madhe të jetën duke mbledhur bimë në male dhe duke kërkuar sekretet e jetëgjatësisë.
Ai rezulton se në moshën 71-vjeçare, në 1749, i është bashkuar ushtrisë kineze si mësues i arteve marciale. Ishte martuar 23 herë dhe ishte baba i më shumë se 200 fëmijëve.
Li vdiq më 6 Maj 1933 në provincën Szechuan të Kinës. Historia e tij është shumë e çuditshme duke pasur parasysh se jetëgjatësia mesatare për botën perëndimore sot është 70-85 vjet. Tani duket si përrallë edhe të rastisësh një person mbi 100 vite, teksa nuk ka në botë asnjë person që i ka kaluar 200 vitet.
Por, Li e shpjegonte sekretin e jetëgjatësisë kështu: “Ki zemër të pastër, ulu si breshkë, lëviz sa lëviz një pëllumb dhe fli si qen…”.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite