Fillon Java e Parasë, fëmijët edukohen si të kursejnë dhe shpenzojnë paratë

11:44 | 27 Mars 2017
Arbresh.info

Me moton “Mëso, kurse, fito” po shënohet Java Ndërkombëtare e Parasë në Kosovë.

Për të mësuar se si të shpenzohet dhe kursehet paraja fëmijët kishin ardhur në muze, ku përmes aktiviteteve të ndryshme ata po mësojnë për paratë dhe shpenzimin e tyre.

Zëvendësguvernatori i Bankës Qendrore Lulzim Ismajli tha se kjo Javë shënohet në tërë botën dhe në Kosovë është bërë tradicionale.

Ai u tha fëmijëve që paratë t’i kursejnë dhe shpenzojnë me kujdes.

“ Kurseni paratë me shumë kujdes që ta shpenzoni për gjera të rëndësishme, libra, biçikleta dhe çokollata”, tha Ismajli.

Petrit Balija nga Shoqata e Bankave tha se Java Ndërkombëtare e Parasë shënohet në mbi 135 vende të botes që ka qëllim edukimin financiar tek te rinjtë dhe fëmijët.

Shpërndaje në rrjete sociale

Lajmet më të lexuara

Të ngjashme

Foto lajm