Në këtë artikull keni mundësinë të shikoni se si reagon secila shenjë e horoskopit, kur është në një gjendje jo të mirë shpirtërore.

Gjërat që ato bëjnë janë nga më të ndryshmet, prandaj zbulojini më poshtë dhe pse jo të mësoni diçka më tepër për veten tuaj.

1. Dashi- Dyfishon punën

Nëse një dash është i trishtuar, dëshiron të punojë sa më shumë. Sipas ekspertëve, është një mënyrë për të larguar mendjen nga trishtimi.
2. Demi- Ha shumë
Një dem njihet për dëshirën që ka për të ngrënë ushqime të mira, por kur është i mërzitur konsumon edhe më shumë ushqim.
3. Binjakët- Dëshirojnë njerëz pranë
Binjakët njihen si njerëz shumë social, prandaj kur janë të mërzitur dëshirojnë të kenë shumë njerëz pranë. Duan sidomos, miqtë më të mirë për t’i dhënë suport.
4. Gaforrja- Fshihen në shtëpi
Nëse një gaforre nuk ndihet mirë shpirtërisht, nuk dëshiron të dalë dhe të takojë njerëz. Për ta zgjidhja më e mirë është shtëpia, ëmbëlsirat dhe vetja e tyre.
5. Luani- Bëhen edhe më të suksesshëm
Luanët kur janë të mërzitur, luftojnë edhe më shumë për të arritur sukses. Sipas intv.al, motoja e tyre është “të shtosh suksesin kur je i mërzitur”.
6. Virgjëresha- Analizojnë gjërat me detaje
Virgjëreshat njihen për natyrën e tyre, pra t’i analizojnë gjërat deri në detajet më të vogla. Kur janë të mërzitur, e shtojnë edhe më shumë analizën ndaj gjërave.
7. Peshorja- Dalin
Peshoret nuk mund të mbyllen diku dhe të rrinë në mërzinë e tyre. Ato dalin me ose pa miqtë e tyre, mjafton të jenë diku.
8. Akrepi- Heshtin
Akrepët nuk duan t’ju japin të tjerëve, kënaqësinë për t’i parë të mërzitur. Nëse një akrep është i mërzitur nuk reagon fare, pra hesht.
9. Shigjetari- Largohen nga vendi që ndodhen
Nëse një shigjetar ndihet i mërzitur, preferon të largohet diku larg. Dëshira që kanë për t’u ndjerë të lirë, i bën ata që të largohen nga vendi ku ndodhen, për të larguar mërzinë.
10. Bricjapi- Zihen me të tjerët
Bricjapët nuk e pranojnë kur gabojnë dhe kur e ndjejnë që janë mërzitur zihen me të tjerët. Ata duken sikur hapin luftë duke u zënë me ata që kanë pranë.
11. Ujori- Humbin në fantazi
Ujorët njihen si shenja që janë në botën e tyre. Nëse ata janë të mërzitur, largohen nga realiteti dhe humbasin në botën e tyre plot fantazi.
12. Peshqit- Çdo gjë e dramatizojnë
Nëse një peshk lëndohet, do e kthejë çdo gjë në dramë. Ata përfundojnë duke qarë, pirë alkool për të harruar mërzitjen, ose duke bërë seks me dikë që sapo ka njohur.