Leicesteri ia tregon Barçës çmimin e Riyad Mahrez

18:01 | 25 Mars 2017
Arbresh Info

Sipas shumë raporteve, Riyad Mahrez është në linjë për transferim te Barcelona këtë verë.

Megjithatë, vlera e caktuar nga Leicester City mund të vendos transferimin në rrezik, transmeton portali arbresh.info. “Dhelprat” dëshirojnë të paktën 40 milionë funta për yllin e tyre.

Edhe pse Mahrez nuk ka prekur majat si sezonin e kaluar, gjatë javëve të fundmit ylli ka filluar të ringjallet.

Ky edicion në Premierë Ligë ka qenë mjaftë i dobët për kampionin anglez, por klubi ka befasuar me paraqitjet e tyre të mira në Ligë të Kampionëve. Ata do të luajnë muajin e ardhshëm kundër Atletico Madridit në çerekfinale.

26-vjeçari ka qenë gjithashtu shënjestër i klubeve rivale në Premierë Ligë. Tottenham është përpjekur për të siguruar shërbimet e tij gjatë muajit janar, por ofertat nga “Spursët” janë refuzuar.

Chelsea, Liverpooli dhe Arsenali kanë shfaqur gjithashtu interesim për futbollistin algjerian, i cili ka deklaruar më parë se ëndërron për të luajtur për Barcelonën./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm