Një muaj paraburgim për të pandehur për posedim droge

17:20 | 24 Mars 2017
Arbresh.info

Gjykata Themelore në Gjilan të premten ka aprovuar kërkesën e Prokurorisë Themelore të Gjilanit, mbi caktimin e masës së paraburgimit ndaj të pandehurve Gj. K., K. Z. dhe S. H., në kohëzgjatje prej një muaji për posedim narkotikësh.

Të pandehurit Gj. K. dhe K. Z., shtetas të Republikës së Shqipërisë dhe S. K. shtetas i Republikës së Kosovës, më datë 21.03.2017 në ora 17:40 në Gjilan, gjatë një kontrolli nga zyrtarët policorë të Drejtorisë së Hetimeve Kundër Trafikimit të Narkotikëve, në veturën e të pandehurve është gjetur një sasi e substancave narkotike në peshë prej 12 kilogramë e 453.3 gramë.

Me këtë veprim në bashkëkryerje kanë kryer veprën penale: blerja posedimi, shpërndarja dhe shitja e paautorizuar e narkotikëve të rrezikshëm dhe substancave psikotrope dhe analoge, nga neni 273 paragrafi 2 lidhur me nenin 31 të Kodit Penal të Republikës së Kosovës (KPRK).

Palët kanë të drejtën e ankesës ndaj këtij vendimi në Gjykatën e Apelit.

Shpërndaje në rrjete sociale

Lajmet më të lexuara

Të ngjashme

Foto lajm