Google ADS

Ushtarët turq të akuzuar për puçin në Turqi fitojnë azilin në Norvegji

16:27 | 23 Mars 2017
Arbresh.info

Katër oficerëve turk të NATO-s dhe një atasheu ushtarak, u është dhënë statusi i azilit në Norvegji, kanë raportuar mediat norvegjeze.

Që të pestit janë akuzuar nga Turqia se ishin pjesëmarrës në puçin e dështuar të vitit të kaluar kundër presidentit të Turqisë, transmeton arbresh.info.

Pesë turqit, të cilët ishin me mision në Norvegji, treguan se në janar të këtij viti u kishte ardhur njoftimi se janë suspenduar nga puna, dhe duhet të kthehen urgjentisht në Turqi për t’u përballur me akuzat.

Ata i mohuan akuzat se ishin pjesëmarrës në puç dhe thanë se janë të pafajshëm, prandaj edhe refuzuan të kthehen në vendlindje.

Përpos ushtarakëve, azili u është aprovuar edhe familjarëve të tyre si dhe u është dhënë leja për punë.

Shpejt kanë reaguar edhe institucionet turke duke kërkuar sqarime nga ambasada norvegjeze në Turqi si dhe nga shteti Norvegjez./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm