Stadiumi i qytetit të Shkupit “Telekom Arena” me 8 Gusht të këtij viti do të jetë nikoqir i finales së madhe të Superkupës së Evropës.

Emri i dy skuadrave finaliste pritet të mësohet me 3 qershor, ndërsa vetëm një javë më pas do të fillojë edhe shitja e biletave, për të cilat besojmë se një numër bukur i madh i futbolldashësve në vendin tonë janë të interesuar për të marrë një të tillë.

“Infosport.mk” mëson se çmimi i biletave për këtë finale do të sillet nga 15 deri në 40 euro, një shumë ndoshta e kapshme për ata tifoz të flaktë të futbollit të cilët shpresojnë se në Shkup do të kenë mundësinë të shohin skuadrat e tyre që deri më tani ndoshta i kanë ndjekur vetëm përmes TV-së.

Shkupi deri më tash ka patur mundësi të sheh emra të mëdhenj të futbollit që kanë luajtur me përfaqësueset e tyre në “Telekom Arena”, mirëpo definitivisht ndeshja e 8 gushtit do të jetë në një nivel më të lartë pasi në të do të përballen skuadra fituese e Ligës së Kampionëve dhe ajo e Liga Evropa, dy kompeticione këta që kanë arritur në fazën çerekfinale.

Është ende herët për të supozuar se cilat do të jenë ato dy skuadra, pasi në Ligën e Kampionëve për tu shpallur kampion pretendojnë Barcelona, Reali i Madridit, Atletico Madridi, Bayerni i Munichut, Borusia Dortmund, Juventusi, Leicesteri dhe Monaco, derisa për trofeun e Liga Evropa në garë janë skuadrat si Beshiktashi, Celta Vigo, Lyon, Schalke 04, Ajaxi, Anderlechti dhe Genku.
Shkupi deri më tash ka patur mundësi të sheh emra të mëdhenj të futbollit që kanë luajtur me përfaqësueset e tyre në “Telekom Arena”, mirëpo definitivisht ndeshja e 8 gushtit do të jetë në një nivel më të lartë pasi në të do të përballen skuadra fituese e Ligës së Kampionëve dhe ajo e Liga Evropa, dy kompeticione këta që kanë arritur në fazën çerekfinale.

Është ende herët për të supozuar se cilat do të jenë ato dy skuadra, pasi në Ligën e Kampionëve për tu shpallur kampion pretendojnë Barcelona, Reali i Madridit, Atletico Madridi, Bayerni i Munichut, Borusia Dortmund, Juventusi, Leicesteri dhe Monaco, derisa për trofeun e Liga Evropa në garë janë skuadrat si Beshiktashi, Celta Vigo, Lyon, Schalke 04, Ajaxi, Anderlechti dhe Genku.