Një sondazh i publikuar sot nga partia më e madhe opozitare në vend, Lëvizja Vetëvendosje, të cilët subjektin e tyre e paraqesin si fituese nëse zgjedhjet do të mbaheshin këtë të diele, hidhet poshtë nga deputeti i PDK-së, Xhavit Haliti.
Ai në një prononcim për Express, këtë hulumtim e quan të porositur dhe sipas qejfeve.
“Këto sondazhe janë më porosi dhe sipas qejfit. Qëllimi i tyre është me influencu me i bind njerëzit ose me kiju tek njerëzit besim se ata do të fitojnë.
Qëllimi i sondazheve të tashme bëhet që njerëzit e pa përcaktuar t’i orientojnë kah vetja dhe t’i tërheqin nga vetja”, u shpreh Haliti.
Partia Demokratike e Kosovës, sipas këtij hulumtimi të Lëvizjes “Vetëvendosje” është e dyta me 18.4%.
Për këtë, Haliti tha se nuk beson që Vetëvendosje në zgjedhjet e ardhshme do të dal e para.
Sondazhi në fjalë, e ka paraqitur Vetëvendosjen si fituese të pasuar nga PDK, më pas nga LDK, ndërsa Aleanca për Ardhmërinë e Kosovës radhitet e katërta.
Kurti: Zgjerimi i BE-së, përgjigja më e mirë ndaj atyre që e...
Shtohen disa shërbime të reja në Neurokirurgji
Feyenoord – Leverkusen, formacionet zyrtare
Komisioni Disiplinor merr vendimet për dhunën në ndeshjen De...
Vriten dy ushtarë izraelitë pranë kufirit me Libanin
Trepça nesër luan sfidën e dytë për kualifikim në Ligën e Ka...