Google ADS

Ministria e Infrastrukturës kërkon miliona shtesë për autostradën drejt Shkupit

06:47 | 2 Qershor 2015
Arbresh.info

Ministria e Infrastrukturës shpreson që t’i shtohen disa miliona me rishikim të buxhetit për financimin e ndërtimit të autostradës Prishtinë – Han i Elezit.

90 milionë eurot e ndara në fillim të vitit, e që janë të ndara për vitin 2015, nuk mjaftojnë për të mbuluar gjithë dinamikën e punëve të planifikuara për këtë vit.

Ministri i Infrastrukturës, Lutfi Zharku, ka thënë se janë duke i shqyrtuar kërkesat e komunave para se të dorëzojnë kërkesën për rishikim buxhetor. Thotë se brenda javës do të dërgohen kërkesa për rishikimin buxhetor, shkruan sot KD.

“Deri të premten e kemi afatin për dorëzimin e draftit të parë për rishikim. Kemi kërkesa edhe nga komunat dhe fillimisht do të analizohet se si është situata në komuna dhe projektet e tjera që janë nisur më parë… Pastaj do të shohim nëse mund të shtohen edhe ndonjë milion për autostradë”, ka thënë ai.

Shpërndaje në rrjete sociale

Lajmet më të lexuara

Të ngjashme

Foto lajm