Kampioni në fuqi i Kosovës, Feronikeli ka shënuar fitore pa problem ndaj Hajvalisë 6-1.
Vendasit kaluan në epërsi vetëm pas 17 minutave lojë.
Ishte sulmuesi këmbëshpejtë, Mendurim Hoti që shfrytëzoi një gabim të mbrojtësve mysafir duke shënuar për 1-0.
Vetëm tre minuta më vonë, kampionët ngritën epërsinë në 2-0.
Përforcimi i janarit, Yll Hoxha shënoi një gol të bukur nga një distancë prej 25 metrave.
Kur skuadrat po bëheshin gati për të shkuar në pushim, Mark Milicaj shënoi nga gjuajtja e lirë për 3-0.
Mysafirët e nisën më mirë pjesën e dytë duke ngushtuar epërsinë.
Talenti Edison Kçiku realizoi nga penalltia për ta ngushtuar epërsinë në 3-1.
I inkuadruari në pjesën e dytë, sulmuesi afrikan Abu Kamara shënoi golin e katërt në ndeshje në minutën e 67-të.
Përsëri pas tre minutave lojë, Nikli shënoi edhe një gol kësaj radhe nëpërmjet Mark Milicajt për 5-1.
Golin e fundit në ndeshje e shënoi kapiteni Fidan Gërbeshi nga penalltia.
Pas kësaj fitore, skuadra e Afrim Tovërlanit mbetet në pozitën e dytë me 48 pikë të tubuara.
Ambasada e Kosovës në Turqi dënon sulmin në Ankara
Akuzohen për korrupsion e pastrim parash, përfundon seanca p...
Avokati i Popullit kërkon që viktimat e dhunës seksuale gjat...
Jahjaga takohet me Clinton, e falënderon që SHBA i qëndroi a...
“Pse po don më i vjedh?” – Përplasje e ashpër mes Arionit dh...
Von Der Leyen vlerëson gjyqësorin, Rama: Rasti “Meta...